| محرم |
Muḥarram |
|
| صفر |
Ṣafar |
|
| ربيع الاول |
Rabī‘ al-Awwal |
|
| ربيع الثاني |
Rabī‘ al-Thānī |
|
| جمادى الاولى |
Jumādā al-Ūlā |
|
| جمادى الآخر |
Jumādá al-Ākhir |
|
| رجب |
Rajab |
|
| شعبان |
Sha‘bān |
|
| رمضان |
Ramaḍān |
|
| شوال |
Shawwāl |
|
| ذو القعدة |
Dhū al-Qa‘dah |
|
| ذو الحجة |
Dhū al-Ḥijjah |
|
"Urbanism News In The Official Egyptian Gazette (al-Waqāʾiʿ al-Miṣrīyah), 1828-1914 - An Ottoman Arabic
Digital Humanities Project"
Hugh Cayless
Nour Kanaan
Adam Mestyan
Danah Younis
Sarah Fathallah
Gaara
Arif Erbil
Ahmed Kamal
Abram Smith
Clara Harms
Hüseyin Sağlam
Abdulrahman
El-Taliawi
Hiba Laabadli
Othmane Echchabi
Fatemah Almahana
Mahmoud Zaki
Nehal al-Shamy
Vishal Jammulapati
Project co-director
Hugh Cayless
Primary Investigator
Adam Mestyan
Project co-director
Mercedes Volait
Research Assistant
Sarah Fathallah Gaara
Research Assistant
Karima Nasr
Research Assistant
Rezk Nori
Research Assistant
Arif Erbil
Research Assistant
Ahmed Kamal
Research Assistant
Abram Smith
Research Assistant
Clara Harms
Research Assistant
Hüseyin Sağlam
Research Assistant
Abdulrahman El-Taliawi
Research Assistant
Hiba Laabadli
Research Assistant
Othmane Echchabi
Research Assistant
Fatemah Almahana
Research Assistant
Mahmoud Zaki
Research Assistant
Nehal al-Shamy
Research Assistant
Vishal Jammulapati
National Endowment for the Humanities, Institut français
d’archéologie orientale (Ifao, Cairo); Franklin Humanities Institute
and the Office of Global Affairs / Andrew W. Mellon Endowment for Global Studies, Duke
University; Duke University Libraries; Centre
national de la recherche scientifique; the Office of the Hungarian
Cultural Counsellor in Cairo.
"A TEI Edition of Urbanism News in al-Waqāʾiʿ al-Miṣrīyah, 1828-1914"
Created by the "Digital Cairo" project (Duke University - Ifao), sponsored by the National Endowment for the Humanities.
Website
Project directors: Adam Mestyan, Mercedes
Volait, Hugh Cayless
Al-Waqāʾiʿ al-Miṣrīyah (Egyptian Affairs) newspaper, 1828–1914.
born digital document
This is a file in the "XMl TEI Edition of Urbanism News in al-Waqāʾiʿ al-Miṣrīyah" in the
project "La fabrique du Caire moderne, 2018-2021" (Ifao-InVisu-Duke University).
The "Digital Cairo" project is sponsored by the National Endowment for the Humanities.
Rules of TEI XML MarkUp in This Project
We use the Arabic script but transliteration into Latin characters follows the Library of
Congress (LOC) Arabic transliteration chart.
Each individual article has an individual xml:id number starting with "w1"
We only use persName, orgName, placeName elements, apart from bibliographical elements
and notes.
If the location or organization of responsibility is known from the text, it can be added
in an attribute to a persName.
"Mashaykhah" and "thumn" are orgNames and placeNames.
This project's schema considers Till Grallert's work in his Open Arabic Periodical
Editions.
𐋢
𐋤
Arabic
English
Arabic transcribed according to ALA-LC
Ottoman
١ محرم ١٢٦٥
نمره ١٤١
ص ٦
اعلانات
بركة الفيل سمتنده واقع اوست
قاتده مرمر دوشه لی بش بيوك ومرمر سز اون بش کچوك اوطه والت قاتده سکز اوطه و مرمرلی و
فسقيه لی بر منظره ایله ایکی مرمر دیرکلی فسحه سی وایکی صفه لی د يکر بر منظره و برمطبخ
و بر حمام و بش مغازه و سکز حيوان آلور بر آخور و بر قيو و اچیق حولیسی و فسقیه لی بر
اوفق کوشکی و ساقيه سی موجود بر فدان کلور بر باغچه سی بولنور اليوم مزادده سكسان بشبيك
غروشه چیقمش مرحوم ارنبوط حسن پاشا وارثلرینك بر باب خانه سی
صاتیلق اولوب استکلوسی وار ایسه دلالباشی سید
مصطفادن استدلال ایتمسی.
١ محرم ١٢٦٥
نمره ١٤١
ص ٦
بولاق ترسانه سی پیشکاهنده كائن
اوست قاتده درت اوطه و بر کیلار و برمطبخ و الت قاتده بر اوفق منظره و ایکی حیوان الور
بر اخور و بر اوفق مغازه سی و براچيق حولیسی بولنور الحالة هذه مزادده اون بشبيك بشيوز
غروشه چیقان هوجه نقوله سمانك بر باب خانه سی صاتيلق
اولوب راغبی وار ایسه دلالباشی مذکوردن صورمسی.
١ محرم ١٢٦٥
نمره ١٤١
ص ٦
خوش قدم سمتنده واقع اوست قاتده
التی عدد يتاق اوطه سی و ایکی حمام و الت قاتده ایکی صفه لی بر منظره و بر مرمر دیرکلی
جامکان و بر سلاملق اوطه و اوچ کیلار و حوليسیله برمطبخ و بر قيو و اوچ حيوان الور بر
اخوری بولنور سابق جده محافظی سلیمان افندینك
ایکی قپولی بر باب خانی سی صاتیلق اولوب طالبی بولنور ایسه دلالباشئ مذ کوردن استخبار
ایتمسی.
٨ محرم ١٢٦٥نمره ١٤٢ص ٢
حوادث داخليه
قصر عالی كتبه سندن موسكیه سمتنده كائن حوش الحين نام محله ده ساكن خليل
عزمی افندينك خانه سنده کچن ماه ذی الحجه نك يکرمی اوچنجی کونی ساعت اونبر
صولرنده بر حريق ظهور ایدوب ضابطخانه دن خبری
النديغی برله لازمکلان طلومبه و عساكر و قازمه جی و سقالر ایله اولاشلوب ایکی ساعت
ظرفنده اتش باصدرلمش و بو آتش خانه نك اوست قاتنده فقط بر اوطه دن ظهور ايتمك مناسبتيله
اوطۀ مذکوره ده بولنان صندق و دوشمه و ملبوسات مثللو شيلر يانوب خانه نك دیكر محللرينه
بر ضرری طوقانمامشدر.
٨ محرم ١٢٦٥
نمره ١٤٢
ص ٢
جيزه مدیريتنده کائن منصوريه قريه
سی مشايخى شرقاويه ترعه سنك تطهيری ايچون حصه لرینه اصابت
ایدن انفاری تماما كتورمیوب اهمال ایتمش اولدقلرندن قانونك ٦جى بندی موجبنجه مشايخ
مرقومه تربیه وتأدیب اولنمشلردر.
١٥ محمرم ١٢٦٥
نمره ١٤٣
ص ٦
اعلانات
تبانه سمتنده
قلعه يولنده واقع اوست قاتده اون
اوطه و بر کوشك و برحمام و ایکی عدد بيوك اوطه و بر مطبخ و الت قاتده ایکیسی بیوك و اوچی
کچوك بش اوطه و فسقیه لی بر منظره و بر اوفق باغچه و بر دکرمن و بر قیو و بر ساقيه وسکز
مغازه و بریسی درت و دیکری اون رأس حيوان الور ایکی اخوری و بر حولیسی و بر یاننده ایکی
دیرکلی بر سلاملق و اوچ اوطه سی بولنور سابق دقهلیه مدیری
مرحوم خلیل افندينك بر باب خانه سی صاتیلق اولوب استكلوسی وار ایسه
دلالباشی سید مصطفی دن صورمسی.
٢٩ محرم ١٢٦٥
نمره ١٤٤
ص ٦
اعلانات
سابق دقهلیه مدیری مرحوم خلیل افندينك
تبانه
سمتنده واقع اولوب بوندن مقدم نشر اولنان ١٤٣ نمره لى نسخ وقایعده
اعلانات بندنده مفصلا یازيلان خانه سنه مشابه وسمتنده واقع دیکر درت باب خانه سی ایله بر
ربع و بر قاچ دكان و شبرا یولنده
منية
السيرج اراضیسنده بر قصرى دخی میری ذمتنه صاتیلق اولوب استکلوسی وار ایسه
و رأى العين مشاهده یه راغبی وار ایسه دلالباشی سید
مصطفادن استدلال ایتمسی.
٢٩ محرم ١٢٦٥
نمره ١٤٤
ص ٦
ازبکیهده
قنطرة
الدكه پیشکاهنده خلیج باشنده واقع هوجه اپرونك
اليوم مزادده قرقر بيك غروشه چیقان باغچه لی ایکی باب خانه سی میری ذمتنه صاتیلق اولوب
بالمشاهده اشتراسنه راغبی وار ایسه دلال باشئ مذ کوردن صورمسی.
٧ صفر ١٢٦٥
نمره ١٤٥
ص ٦
اعلانات
خليفه ثمننده
حمام البابا جوارنده واقع اوست قاتده درت
اوطه و بر كيلار و برمطبخ و بر حمام و الت قاتده درت مغازه و بر تخته پوش و لوازميله بر
مقعد و اوچ حيوان الور براخور و بر دکرمن و بر قيو و بر اچیق حولیسی بولنور مرحوم
سید ابراهیم خشاب نام کمسنه نك بر باب خانه سی صاتیلق اولدیغندن
راغب اولانلر دلالباشی سید مصطفی دن استدلال
ایلمسی.
٧ صفر ١٢٦٥
نمره ١٤٥
ص ٦
كذلك خانۀ مذکوره جوارنده اوست قاتده ایکی اوطه والت قاتده بر کوچك منظره و بر مغازه و
بر كوچك حولیسی بولنور نصرالقشاط نام کمسنه نك بر باب خانه سی
صاتیلق اولدیغندن دلاليا شئ مذ کوردن استدلال ایلمسی.
٧ صفر ١٢٦٥
نمره ١٤٥
ص ٦
محمد عيسى العطار نام کمسنه نك رومیله شارعنده واقع قهوه ده
اولان یدی قراطی صاتیلق اولدیغندن رغبتلوسی اولانلر دلالباشئ مرقومدن استدلال
ایلمسی.
١٤ صفر ١٢٦٥
نمره ١٤٦
ص ١
حوادث داخليه
قلعۀ عامره ده
طوپخانه ده طوپلرك حفظنه لازمكملان بعض محالك اعمالنه
جانب میريدن اونبربيك اوچيوزطقسان سکز غروش وکسورك صرفی ایجاب ایده جكی لدى المقايسه
تبين ایتمكله مبلغ مذکورك صرفیله محال مزبوره نك انشاسی لازمكلانلره امر اولنمشدر.
٢٨ صفر ١٢٦٥
نمره ١٤٨
ص ١
حوادث داخليه
حصوه ده كائن قصر ولی النعمییه موصول اولان طريق
قومسال و ناهموار اولوب عربه لر مرورنده حیوانلر زحمت چکدکلرندن ناشی طریق مذکورك تصليح
و تسويه سی ايچون ایری و اوفاق طاش فرش اولنه رق دوز و هموار قلنمسی ارادۀ سنیه
اقتضاسندن اولمغين اجراسی خصوص نه بدأ و شروع اولنمشدر.
٢٨ صفر ١٢٦٥
نمره ١٤٨
ص ٤
اعلانات
مرجوش ثمننده
امشاطيه خطنده
سید ابراهيم العطار نام کمسنه نك شهری اون بش غروشه
ايجاره وريلور بر دكانی.
٢٨ صفر ١٢٦٥نمره ١٤٨ص ٤
باب الشعریه خطنده
مصطاحی جوارنده ایلغی یکرمی بش قروشه ایجاره
ویریلور اليوم مزادده درت بيك غروشه بالغ اولمش محمد علی نام کمسنه
نك بردکانی صاتیلق اولوب راغبی اولانلر دلالباشی سید مصطفی
دن استدلال ایلمسی اعلان اولنمشدر.
٥ ربيع اول ١٢٦٥
نمره ١٤٩
ص ٢
حوادث داخليه
عرب الايسار محله سنده
کائن ميری ساقيه لرندن برینك دیواری يقيننده
بولنان بر خانه اوزرینه يقلمغله التنده التى نفرصغير و كبير نفوس قالوب جمله سی کسسته
پنچۀ اجل اولدقلری حالده بولنمش ایدوکی خبرى النمشدر.
١٢ ربيع اول ١٢٦٥
نمره ١٥٠
ص ٢
حوادث داخليه
ابنای سبیل ايله مروريه عربه لرينك سير و مرورينى تسهيل ضمننده اوزبکیه دن
ابو العلا بيشکاهنه قدر ممتد بولاق جاده سيله مروریه رصيفنه موصل
طريقك اقتضا ایدن تصليح و تسويه سنه مباشرت اولنمشدر.
١٢ ربيع اول ١٢٦٥
نمره ١٥٠
ص ٢
مذکور مروريه رصيفنه موصول طريقك طرفینیله رصيف دروننده اقتضا ايدن محللره يوز عدد دانخ
اغاجى غرس اولنمشدر.
١٩ ربيع اول ١٢٦٥
نمره ١٥١
ص ٢
حوادث داخليه
جامع ازهر و ميری مكتبلرندن ما عدا الآن محروسۀ مصر و بولاق و اسکی مصرده موجود اولان
اهالى مكتبلرينك عددينی و حاوی اولدقلری تلاميذك كميت و
مقدارينى مبين اثمان مشایخی معرفتیله بر قطعه علم اخراج و بر وجه اتى صحيفۀ وقايعۀ ثبت و
ادراج اولنمشدر.
اسمای اثمان
تلاميذ موجوده انفار
مكاتب عدد
جماليه
١٣٠٦
٤٦
باب الشعريه
١٧٤٩
٥٥
اوزبكيه
١٠١٦
٣٣
عابدين
٥٨٠
٢٠
درب الجماميز
٨٠٥
٢٦
خليفه
٦١٩
٢٨
قيسون
٤٠٥
١٧
درب الاحمر
١٣٩٩
٤٧
بولاق
٩٨٠
٢٥
اسکی مصر
٤٢٥
١٣
يكون
٩٢٨٤
٣١٠
١٩ ربيع اول ١٢٦٥
نمره ١٥١
ص ٦
اعلانات
رميله شارعنده واقع
سيده عائشه نام خاتون ايله شريكلر ينه متعلق برحمام.
٣ ربيع اخر ١٢٦٥
نمره ١٥٣
ص ٢
حوادث داخليه
محروسۀ مصر و اسكندريه و سائر مديرياتده انشا و
تعمیری ختاميذيراوله رق زیرده مبین تواريخده مقایسات انتهائیه لری ورود ایدن ابنیه
وعماراته جانب ميريدن صرف اولنان مبالغك جدولیدر .
صفر غايتنه قدر وارد اولان محروسۀ مصر مقایسه لری
٣٨
٣٤٩٩٩
امین بكك حرمی خانه سنه
٢
٥٤٥
امتحان مکتبنك
تعميرينه
٣٨
٢٣٦٦
السنه مدرسه سنك بعض
تعميرنه
٠٠
٧٨٣٦
مبتدیان مدرسه سنك
تعمير ينه
٢
٥٧٧٥
طره ده
طوپجی مدرسه سنك تعمير ينه
وبعض
١٧
٢٦١
و اقتضا ایدن اشیایه
٣٩
٥٣
قصرعين ده كائن حکیم خانه نك بعض تعمير ينه
١٦
٥١٨٣٨
٢٦ ربيع اخر ١٢٦٥
نمره ١٥٥
ص ٤
اعلانات
متوفی محمد صقر نام کمسنه نك متروكاتندن بیت المال معرفتيله صاتيلق اولان بيوت و امكنه نك بیانی
جمليه ثمننده
درب السمرده اوست قاتى اوچ اوطه و بر
مطبخ و بر کيلار و الت قاتی بر کوچك منظره و بر حيوان الور بر آخور و بر مغازه و بر
حولسی مشتمل بر باب خانه
بولاقده اوست قاتى بش اوطه و بر مطبخ و بر کيلار و
رحمام و الت قاتی بر منظره وایکی حيوان الور بر آخور و ایکی مغازه و بر قيو و بر دکرمن
محلى و براچیق خولسی مشتمل بر باب خانه
بولاقده
ابو العلا خطنده اوست قاتی سكز
باب مسکنی محتوی ربع تعمير اولنان محلی شامل و الت قاتده بش مغازه و براچق حولسی و
برقويی بولنور بر باب خانه
ينه بولاقده اوست قاتده اوچ اوطه و بر كيلار و
بر مطبخ و الت قاتده بر منظره و ایکی رأس حيوان الور اخور و بر مغازه و اچیق حولیسی
بولنور بر باب خانه
ينه بولاقده سمت مذکورده اوست قاتی درت اوطه و
بر مطبخ و بر کیلار والت قاتی بر منظره و بر حيوان الور بر آخور و ايکی مغازه و بر اچق
حولسی مشتمل بر باب خانه.
١٠ جماد اول ١٢٦٥
نمره ١٥٦
ص ٤
اعلانات
بركة الفيل خطنده
کيلارجى على اغایه متعلق اوست قاتى التى اوطه و بر
مطبخ و ایکی کیلار و بر حمامی مشتمل و الت قاتنده مرمر درکلی بر مقعد و ایکی مغازه و اوچ
حيوان الور بر اخوری و بر قيوسى و بر اچيق حولیسی بولنور بر باب خانه.
٢٤ جماد اول ١٢٦٥
نمره ١٥٧
ص ٢
حوادث داخليه
کچن ماه ربع الاخرك يكرمى يدنجی پنجشنبه کونى ساعت درت صولرنده قصر عين اسپتاليه سنده بر اوطه
ده قاليۀ كبريتيه اعمال اولنورکن قضاء شعل لنوب تاوانه پیوسته اوله رق حريق ظهور اتمكله
در حال اوراده معين بولنان طلومبه مأمورلرى يتشه رك اثر سعی و غیرتلر يله بشقه يره سرايت
ايتمكسزين بعنايت خدا اخماد و اطفا اولنمش اولدیغی خبرى النمشدر.
٥ جماد اخر ١٢٦٥
نمره ١٥٨
ص ٤
اعلانات
باب الشعريهده
شعراوى خطنده كائن اوست قاتده سكز
اوطه و برحمام و برمطبخ و بر کيلار و الت قاتده ایکی منظره و اوچ مغازه و بر صهریج و بر
دكرمن والتى حيوان الور بر اخور و بر قيو و بر كوچك باغچه و بر اجيق حولی يی مشتمل
کورد حسن کاشفك اليوم بالمزايده سکسان کیسه یه چیقمش بر باب
خانه سی.
٥ جماد اخر ١٢٦٥
نمره ١٥٨
ص ٤
بیر جوان محله سنده اوست
قاتده سکز اوطه بر حمام و بر مطبخ و بر کيلار و الت قاتده بری بیوك ودیكری کوچق ایکى
منظره و بر سلاملق و درت حيوان الور بر اخوری و اوچ مغازه و بر صهريج و بر قيوسى و بر
اچيق حولسى بولنور زنوبه نام خاتونك بر باب خانه سی صاتيلق
اولدیغندن اشتراسنه رغبتی اولانلر دلالباشی سید مصطفی
دن استدلال ایلمسی اعلان اولنمشدر.
١٢ جماد اخر ١٢٦٥
نمره ١٥٩
ص ٢
حوادث داخليه
ماه سابقك اون اوچنجى كيجه سی ساعت اوچ بچق قرارلرنده ازبکیه ثمننده مرحوم قوجه احمد اغانك
قوناغى جوارنده كائن عبد الرحيم نام شخصك خانه سنده قضاء ينغين واقع اولمش و در عقب ضبطيه
طرفندن طلومبه و لوازم سائره يتشدرلمكله اطرافنه سرایت اتمکسزین باصدرلمش و كذلك ماه
مذکورك اون درد نجی کونی ساعت اون صولرنده اسکی
مصرده
حارة الجنينه نام محله ساكنلرندن
ابراهیم شرابيه نام کمسنه نك خانه سنده توتون طولو برمغازه دن
قضاء آتش ظهور اتمش و آینده ضبطيه طرفندن طلومبه ومأمورلر ارسالیله ساعت بره قدر غيرت
أولنه رق باعون خدا مغازه مذ کوردن بشقه بر يره مضرتی اصابت يتمكسزين اطفا اولنمش ایدوکی
خبری ضبطيه طرفندن النمشدر.
٢١ جماد اخر ١٢٦٥
نمره ١٦٠
ص ١
حوادث داخليه
جناب رب عزت آصف مكارم خصلت افندمز حضرتلرينى كمال اقبال و ابهت ایله سایۀ مکرمتوایۀ
حضرت جهانداريده الى الابد مسند نشين عدل و نصفت ايدرك هماره جانب سنی المناقب جناب
جهانبانى يه مجلبۀ خير دعا اولور نيچه آثار خيريه ابداع و انشاسنه موفق بيورسون امين
اوته دنبرو جاری اولدیغى وجهله نيل مباركك تزايد و
فيضانى زماننده درون مصردن کذار و جريان ايدن
خلیج وبو مناسبتله متراکم و ملأن اولان چند برکه
واسطه سیله اهالئ بلده ایکی اوچ ماه مقداری صودن طولايى تعب ومشاقدن براز وارسته اولورلر
ايسه ده بالعكس تلك تناقص و هبوطی آوانى یومی میاه ضرورينك تدارك و استحصال خصوصنده
مستغنئ بيان و تصريح اولدیغی اوزره اشوری دوچار قيد كلفت و مشقت اوله كلدكلرينه مبنى
بقدر كافى مياهك درون مصره اساله و اجراسيله جمله يی سیراب زلال لطف و عاطفت بيورمق
افکار خيريه سى ضمير سجنجل نظير حضرت آصفیده جلوه ریز ظهور وسنوح اولمقدن ناشى بو مادۀ
خيريه نك بر نهج مستحسن قوه دن فعله طريق ايصالى نه ايسه اولوجهله مقايسه و معاينه
اولنمسی سر مهندسين لينان بكك عهده سنه احاله
بيورلمش اولمسيله مير مومى اليه دخی ایجاب ایدن ترتیب و مقایسه سنى ايكى وجه اوزره تنظیم
ایدرك مجلس خصوصی يه عرض و تقديم
ايتمشدر شويله که وجه اول تقریبا يکرمی طقوز بین اوجيوز اللى بش کیسه اقچه مصارف ايله
وجوده كله بيلوب اسکی مصرده واقع سبع سواقى أسميله معروف محلده مرتفع بر حوض ياپياله رق
نيل مباركدن اشبو حوضلره صو چيقارمق اوزره قرق اوچر اسب قوتنده اوچ عدد واپور آلتی
جابیله محل مذكور جوارنده بندرلمسنى و مياه مقتميه نك اهالی سهولتله اخذ ایلمسی ايچون هر
محله ده برر چشمه بيدا و مياهك اول حوضدن اشبو چشمه لره ايصالی ضمننده لازمی قدر دوکمه
تيمور مجرالر اعمال و انشا و صويك جرياننه مانع بر عارضه ظهورنده و ياخود تعمیرات مقتضيه
نك حين اجراسنده خلق صودن يكازحمت چكمامك ايچون كافۀ محروسه اهالیسنه ایکی کون مقداری
کفایت ایده جك صو استيعاب ايدر مناسب محللرده دیكر اوچ عدد جسيم حوض دخی بنا اولنمسنى
ووجۀ ثانى على التخمين اون درت بين اوچ یوز اوتوز بش کیسه اقچه تكاليفله حصولی ممکن
اولوب يکرمی ایکيشر باركير قوتنده ایکی عدد واپور آلتنك جلبى ايله محل مذكوره وضع
اولنمسنى و اوزنده دائما صو جریان اتمك و تطهيری آسان وجهله اولمق اوزره فم خليجدن حسينيه يه
قدر درون خلیجده بر مجرا انشا و ينه اولوجهله محله لرده بر چشمه بنا اولنمسنی مشتمل
بولنمغله مجلسی مذکورده لدى المداوله عميم النفع بولنمق حسبیله وجه اول اختیار و استحسان
اولنه رق الوجهله ایجابتك اجراسی با ارادۀ عليۀ جناب خدیوی قرارلشديرلمش اولمسله جملۀ
مالزمه سندن مذکور اوچ عدد واپور التنك اورپادن جلبی و صو يوللرينه اقتضا ایدن دوکمه
تيمور بوريلر و ادوات سائره نك اعمالى ايله لازمكلن ابنیه نك تنظيمی کبی اشغال مهمه سنه
بر قدم اقدم مباشرت و غيرت اولنمسى و بنا اولنه جق محللرك حين انشاسنده استخدام اولنمق
اوزره بر نفر معتمد ناظر ايله خدمۀ سائره نك ترتيب و تعيينى ايجاب حالدن اوله رق ناظر
مرقوم ايله خدمۀ مذکوره نك ترتيب و تعين قلنمسی اقتضا ایدنلره امر و تنبیه اولنمشدر جناب
حق ذات معالى سمات آصفى يى بويله نيچه نيچه آثارخيريه ابداعنه موفق بيورسون امین.
٢١ جماد اخر ١٢٦٥
نمره ١٦٠
ص ٤
اعلانات
نحاسين خطنده كائن سابق ترزیلر ورشه لری ناظری رفعتلو حسين بکه
متعلق اوست قاتده يدى اوطه و برمکمل حمام و ایکی کيلار و بر مطبخ و الت قاتده ایکی منظره
و درت حيوان الور بر اخور و بر دکرمنلك ير و درت مغازه و برقیو و بر كوچك حولى يى مشتمل
یکی بر باب خانه كذلك خط مرقومده میرمومی الیهه متعلق اوست قاتده اون ایکى اوطه و ایکی
حمام و بر مطبخ و بر كيلار و الت قاتده ايكی منظره يی محتوی بر باب خانه و بونك جوارنده
اوچ اوطه سی و بر مطبخى بولنور بر کوچك باب خانه دخى صاتیلق اولوب راغبى اولنلر
دلالباشی سید مصطفی دن صورمسی.
٢١ جماد اخر ١٢٦٥
نمره ١٦٠
ص ٤
حمزاوی خطنده كائن
کلیسنانك قپوسی قارشوسنده واقع بالمزايده درت بیك ایکیوزاللى غروشه چیقمش
الآن يكرمی بش غروشه کرایه ویريلور برحلواچی دکانی.
٢١ جماد اخر ١٢٦٥
نمره ١٦٠
ص ٤
حسنين حضرتلر ينك مسجد
شریفلری جوارنده كائن اوست قاتده درت اوطه و بر مطبخ و بر کیلار و بر حمام
و الت قاتده بر مقعد و بر کوچك منظره و بر مغازه و بر حيوان الور بر اخور و بر مقدار
اچيق حولى يى مشتمل بالمزایده اون بیك غروشه چیقمش برباب خانه.
٢١ جماد اخر ١٢٦٥
نمره ١٦٠
ص ٤
جمليه خطنده
مرحوم سید فتوح السخاوی يه متعلق اوست قاتده سکز اوطه و الت قاتده
سكز مغازه و بر قيوسی بولنور بالمزايده اون بيك غروشه جیقمش بر عدد سیاه بال مطبخى میری
ذمتنه صاتیلق اولوب طالبی اولور ایسه دلالباشئ مومی اليهدن استدلال ايتمسی اعلان
اولنمشدر.
١١ رجب ١٢٦٥
نمره ١٦٢
ص ١
حوادث داخليه
وارستۀ قید بيان اولديغى اوزره نيل مباركك اوان فيضاننده اقتضا ایدن سد و ترعه لرك حفر و
اعمالى اشغالی زمان مارالبیان حلولندن مقدم تتمیم و اكمال اولنمسی لازمۀ حالدن بولنديغنه
و سائر ابنيه اشغالنه دخی مدت مذكوره ظرفنده رخاوت عارض اوله جغنه مبنى كرك مزبور ترع و
جسور و كرك كافۀ اقاليم مصريه ده سائر انشا و تعمير اولنمقده بولنوب هنوز ختامپذير
اولمیان ابنيه اشغالنه بذل غيرت و مقدور اولنه رق اشبو ماه رجب الفردك يكرمی يديسنه
مصادف نقطه تعبير اولنان مبادئ تزايد نيل وقته قدر اتمام و تکمیل اولنمسى مجلسى احكام مصريه ده بالتنسب اقتضاسی
ایجاب ایدنلره تنبيه اولنمشدر.
٢٧ رجب ١٢٦٥
نمره ١٦٤
ص ١
حوادث داخليه
ماه حالك ابتدا کیجه سی ساعت اون صولرنده درب
سعاده ده كائن فروندن و كذلك فرداسی کیجه ساعت اون راده لرنده خلیفه ثمننده واقع قبر الطويل نام محله ده بر خانه دن حریق
ظهور ايتمش و درعقب ضبطيه طرفندن طلومبه و مأمورلر يتشدير يله رك بلطفه تعالى اطرافلرینه
سرایت ايتمکسزين اطفا اولنمشدر.
١٥ رمضان ١٢٦٥
نمره ١٦٨
ص ١
حوادث داخليه
اشبو ماه رمضان شریف دردنجى صالی کیجه سی ساعت التى يى بکرمی دقيقه كچرك محروسۀ مصرده
خفيفجه حرکت ارض وقوعه کلوب بر دقيقه مقداری ممتد اولمش ايسه ده له الحمد بر كونه ضرر و
زیان حصوله كلمامشدر.
٢٧ رمضان ١٢٦٥
نمره ١٦٩
ص ١
حوادث داخليه
نیل مبارك آوان فيضا ننده چند ماه مقداری محروسۀ مصر درونندن كذران ایدن خليج اشبو سال ميمنت فالده دخی میعادی حلول ايلمش اولمسيله
ماه حالك اون يدنجی پازارایرته سى کونى بر معتاد اسکی
مصر جوارنده كائن سدی فتخ و كشاد اولنه رق بر وجه مشروح
درون محروسه يه اجرا اولنمشدر.
١٨ شوال ١٢٦٥
نمره ١٧٠
ص ١
حوادث داخليه
دیکر بعض مديريات مثللو جیزه
مدریتنده دخی تداوی و اسكان خستكانه مخصوص بر اسپتاليه انشا سيله فقرا و ضعفانك معالجه جهتنده کسب سهولت ايتمسی مقصود
مراحمنمود حضرت آصفى اولمقدنناشی خصوص مذکور مجلس احکام مصريه ده لدى المداوله مراد
خیریت معتاد حضرت آصفى وجهله و ایجابنك حسن اجراسی اقتضا ایدنلره يازلمشدر.
٢٥ شوال ١٢٦٥
نمره ١٧١
ص ٤
اعلانات
درب عجور محله سنده
مرحوم محمد اغا خلف نام کمسنه يه متعلق اوست قاتده فسحه لى سكزيتاق
اوطه سی و مکمل ایکی حمام و درت کيلار و الت قاتده بر مطبج و برقيو و برسلاملق و ايكيسى
بيوك و بری کوچك اوچ منظره و بر دکرمن و اوچ حيوان الور بر اخور و اوچ مغازه و بركوچك
باغچه واچيق حولى يى مشتمل مزادده ٢٣٠٠٠ غروشه چیقمش بر باب خانه كذلك محلۀ مذکوره ده
اغای مومی الیهه متعلق اوست قاتده سکزاوطه و بر حمام و الت قاتده بر مطبخ و برقيو و
برکيلار و بر منظره و بر دكرمن و ايكى حيوان الور بر اخور و ایکی مغازه و براچیق حولى و
بر كوچك باغچه يی محتوى مزایده ١٣٠٠٠ غروشه جیقمش برباب خانه.
٢٥ شوال ١٢٦٥
نمره ١٧١
ص ٤
درب الاحمر ثمننده
درب الدلیل محله سنده
سابق دمياط محافظی مرحوم خليل بك حضرتلرینه
متعلق اوست قاتده اون بش يتاق اوطسى و اون اوچ فامليه اوطه سی و مرمرلى درت فسحه و مکمل
ایکى حمام و الت قاتده برقاعه و بر کوچك منظره و بش مغازه و بیوك بر مطبخ و ایكی كيلار و
برکوچك باغچه و بر قيو و بر اچیق حولیسی بولنور يکی بر باب خانه.
٢٥ شوال ١٢٦٥
نمره ١٧١
ص ٤
كذلك بيت مذکور جوارنده ميرمومى اليهه متعلق اوست قاتده اون سکز اوطه و مكمل برحمام و
الت قاتده سکز مغازه و بیوك برمطبخ و برساقيه و بر دكرمن و يوز اللى حیوان الور بر اخوری
مشتمل ترميمه محتاج بر سلاملق صاتیلق اولوب خواهشكرى وار ایسه دلالباشی سید مصطفی دن استدلال اتمسى اعلان اولنمشدر.
٢١ ذى القعده ١٢٦٥
نمره ١٧٢
ص ١
حوادث داخليه
ماه سابقك اون درد نجی پازارایرتسی کونی ساعت يارم قرارلرنده قيسون تحتنده واقع سيوفيه
خطنده
حارة الالفى نام محله ده كائن
الفى ابراهيم بکك خانه سندن يانقين ظهور
يله مغازه سی دروننده بولنان عربه لر ملتزمی احمد
شاهين و شریکی سلیمان نامان اشخاصك كراسته لری
طوتشمش و در عقب ضبطيه طرفندن طلومبه و سقا و سائر
لوازم اطفائيه نك يتشدرلمسيله مأمورلرك ثمرۀ غیرت و اقداملری اوله رق له الحمد سائر
محللره سرایت ايتمکسزين اطفاسی میسراولمشدر.
١٨ ذى الحجه ١٢٦٥نمره ١٧٤ص
٤
اعلانات
متوفى باسیلوس بكك متروكاتندن اسکی
مصرده واقع اوست قاتده دورت اوطه و بر مطبخ و ایكی كيلار و الت قاتده بر
منظره و ايكى حيوان الور بر اخور و ایکی مغازه و بر قيو و بر اچيق حولی يی محتوی بر باب
خانه و بركة الرطليده كائن اوست قاتده اون بش
اوطه و مکمل برحمام و الت قاتده بر مطبج و بش کيلار و برکه يه ناظر و برمنظره یه مجاور
ایکى فسحه لى و ابكى باغچه لى بر بيوك اوطه و مرمر دیرکلی بر تخته پوش و باغچه يه بقار
فسحه لی بر منظره و درت آخور و سكز مغازه و تخمينا بربچق فدان کلور ایکى ساقيه لى بر
باغچه و ایکی مرمر دیرکلی ایکی باغچه لى بر اچيق حولی يی محتوی برکه جمعا ایکى باب خانه
و ازبكيه ده واقع مزادده يتمش
ایکى بیك بشيوز غروشه چیقمش بیوك برعرصه.
١٨ ذى الحجه ١٢٦٥نمره ١٧٤ص
٤
عابدين ثمننده
مرحوم شربتجی باشی نك ورثه سنه متعلق اوست
قاتده بيوك و كوچك اون التى اوطه ايله کيلاری و مکمل بر حمام و طوانلى و طوانسز درت فسحه
لى و الت قاتده فسقيه وصفه لي و ايكى بيوك اوطه ایله برمطبخ و ایكى کیلاری و اون مغازه
ایله اون حيوان الور براخوری و يکرمى دوه الور بر دوه لك ايله بر غزاوی ساقیه سی و مکمل
بر د كرمن ايله هس اسميله معروف
بركه كنارنده واقع ساقيه لى يارم فدان بر باغچه ايله اچيق بر حولی يی
مشتمل بر باب خانه.