| محرم |
|
| صفر |
|
| ربيع الأول |
|
| ربيع الثاني |
|
| جمادى الاولى |
|
| جمادى الآخر |
|
| رجب |
|
| شعبان |
|
| رمضان |
|
| شوال |
|
| ذو القعدة |
|
| ذو الحجة |
|
"Urbanism News In The Official Egyptian Gazette (al-Waqāʾiʿ al-Miṣrīyah), 1828-1914 - An Ottoman Arabic
Digital Humanities Project"
Hugh Cayless
Nour Kanaan
Adam Mestyan
Danah Younis
Sarah Fathallah
Gaara
Arif Erbil
Ahmed Kamal
Abram Smith
Clara Harms
Hüseyin Sağlam
Abdulrahman
El-Taliawi
Hiba Laabadli
Othmane Echchabi
Fatemah Almahana
Mahmoud Zaki
Nehal al-Shamy
Vishal Jammulapati
Project co-director
Hugh Cayless
Primary Investigator
Adam Mestyan
Project co-director
Mercedes Volait
Research Assistant
Sarah Fathallah Gaara
Research Assistant
Karima Nasr
Research Assistant
Rezk Nori
Research Assistant
Arif Erbil
Research Assistant
Ahmed Kamal
Research Assistant
Abram Smith
Research Assistant
Clara Harms
Research Assistant
Hüseyin Sağlam
Research Assistant
Abdulrahman El-Taliawi
Research Assistant
Hiba Laabadli
Research Assistant
Othmane Echchabi
Research Assistant
Fatemah Almahana
Research Assistant
Mahmoud Zaki
Research Assistant
Nehal al-Shamy
Research Assistant
Vishal Jammulapati
National Endowment for the Humanities, Institut français
d’archéologie orientale (Ifao, Cairo); Franklin Humanities Institute
and the Office of Global Affairs / Andrew W. Mellon Endowment for Global Studies, Duke
University; Duke University Libraries; Centre
national de la recherche scientifique; the Office of the Hungarian
Cultural Counsellor in Cairo.
"A TEI Edition of Urbanism News in al-Waqāʾiʿ al-Miṣrīyah, 1828-1914"
Created by the "Digital Cairo" project (Duke University - Ifao), sponsored by the National Endowment for the Humanities.
Website
Project directors: Adam Mestyan, Mercedes
Volait, Hugh Cayless
Al-Waqāʾiʿ al-Miṣrīyah (Egyptian Affairs) newspaper, 1828–1914.
born digital document
This is a file in the "XMl TEI Edition of Urbanism News in al-Waqāʾiʿ al-Miṣrīyah" in the
project "La fabrique du Caire moderne, 2018-2021" (Ifao-InVisu-Duke University).
The "Digital Cairo" project is sponsored by the National Endowment for the Humanities.
Rules of TEI XML MarkUp in This Project
We use the Arabic script but transliteration into Latin characters follows the Library of
Congress (LOC) Arabic transliteration chart.
Each individual article has an individual xml:id number starting with "w1"
We only use persName, orgName, placeName elements, apart from bibliographical elements
and notes.
If the location or organization of responsibility is known from the text, it can be added
in an attribute to a persName.
"Mashaykhah" and "thumn" are orgNames and placeNames.
This project's schema considers Till Grallert's work in his Open Arabic Periodical
Editions.
𐋢
𐋤
Arabic
English
Arabic transcribed according to ALA-LC
Ottoman
٣ محرم ١٢٦٧
نمره ٢٠٣
ص ١
حوادث داخلية
اماكن طاهره ده دفین خاكعطرناك اولان صحابۀ
كرام ومحدثين عظام حضراتندن سید عبد الله بن عباس حضرتلرينك مقام
کرامت ارتساملرینه بر کسوه اعمال ومکۀ مکرمه
جانب عالیسنه اسبال اولنمسی خصوصنه ارادۀ عليۀ جناب داوری شرفتعلق
بیوریله رق اولوجهله اقتضاسی اجرا قلنمشدر.
٣ محرم ١٢٦٧
نمره ٢٠٣
ص ١حوادث داخليةبوندن مقدم چیقاريلان نسخ وقايعك برنده تسطير اولنديغي وجهله طريق نقشبنديه فقراسنه مخصوص بر باب تكيه بنا
وانشا ومصاريف لازمه سی جانب میریدن تسویه وادا اولنمق ضمننده ارادۂ
خیریت عادۀ حضرت آصفی شرفتعلق بيورلمشیدی بو دفعه دخی تکیۀ مذکوره شیخی افندينك التماسنه مبنی
بر صهريج ایله شیخ مومی اليهه مخصوص اولمق اوزره بر محلك يكيدن بنا وانشا اولنمسی خصوصنه امر واراده بيورلمش اولمغین اولوجهله اقتضاسنك
اجراسی لازمکلانلره امر واشعار اولنمشدر.
١٧ محرم ١٢٦٧
نمره ٢٠٤
ص ٤إعلاناتصلیبه ده
اربعین عطفه
سنده
ادهم پاشا حضرتلرينك قوناغي اتصالنده مرحوم
سلیم افندى معتوقه سنه متعلق فوقانی ووسطانی قاتلرنده مکمل حمام ومطبخندن ماعدا
اون کوز اوطه سی وقدمۀ تحتانیسنده قعود رجاله مخصوص منظره تعبير اولنان خزینه لی بر اوطه سی
وبر مقعد وبر مقدار حولى ايله اوفه رق باغچه سی ودرت اسب استيعاب ایدر بر اخوری وبر قویی
وبيوجك بر دكرمن ايله ایکی حاصل وسائره یی مشتمل بر باب خانه صاحبی يدیله فروخت اولنه جغندن
راغی اولانلر عشماوى حضرتلرينك اذكار
خليفه سی دلال سید حسین چاوشدن استفسار ویاخود بالذات خانۀ مذکوره يه واررق
صاحبيله بازار ایلمسی اعلان قلنمشدر.
٢٩ صفر ١٢٦٧
نمره ٢٠٧
ص ٤إعلاناتدرب الاحمر سمتنده
احمد افندی نام کمسنه يه متعلق اوله رق صاغ باره ایله مزایده
اولمقده اولان املاکك بیانی زیرده درج وتسطير اولنمشدر
اوست قاتی اوچ اوطه وبر مطبخ والت قاتی ایکی مغازه وبر قیو وبراچيق حولی يی مشتمل مزادده
یکرمی بيك غروشه چیقمش شهری سکسان غروش کرا کتورر بر باب خانه
شهری اللی اوچ بچق غروشه کرایه ويريلور مزادده اون درت بيك غروشه بالغ اولمش بش مسكنی
محتوی بر باب ربع
ربع مذکورك الت طرفنده شهری یکرمی غروش کرا کتورر مزارده اوچ بيك اللى غروشه جيقمش بر
صراف دکانی
كذا شهری طقسان غروشه کرایه ويريلور مزادده اون سكز بيك غروشه بالغ اولمش بر باب قهوه
خانه كذا شهرى اوتوز بش غروش ایله استئجار اولنور مزادده يدى بيك ايكيوز اللى غروشه
چیقمش بر باب بربر حانوتی
خانۀ مرقومك قارشو طرفنده شهری سکز غروش کرا کتورر مزادده ایکی بیك ايکی یوز اللی غروشه
بالغ اولمش بر باب کمورجی حانوتى
كذا شهری التمش غروشه کرایه ويريلور مزادده اونبربيك يدى يوز اللى غروشه چیقمش بر باب
بویه خانه کذا شهری یکرمی بش غروش ایله استیجار اولنور مزادده اوچ بيك بشيوز غروشه بالغ
اولمش بر باب توتونجی دکانی.
٢٩ صفر ١٢٦٧
نمره ٢٠٧
ص ٤إعلاناتنحاسين خطنده
ظاهريه مدرسه سی داخلنده
مجلس احکام مصريه اعضاسندن عزتلو حسین
پاشایه تعلق اوست قاتنده بش يتاق اوطه سیله دیكر اوچ اوطه سی ومکمل بر
حمام وبر مطبخ وآلت قاتنده ایکی منظره وبش حيوان الور بر اخور واوچ مغازه وبر مقدار
حديقه وبر اچيق حوليسی اوله رق بر باب خانه.
٢٩ صفر ١٢٦٧
نمره ٢٠٧
ص ٤إعلاناتحوش قدمده
سابقد دیوان جهادیه وکیلی مرحوم خلیل
بکه متعلق مزادده صاغ پاره اوله رق اون بيك غروشه جيقمش ايپك ورشه سی
دینمكله معروف بيوك بر عرصه بيت المال طرفندن
صاتلمقده اولوب راغبلری وار ایسه دلالباشی سید
مصطفادن صورلمسی.
١٤ ربيع الثاني ١٢٦٧
نمره ٢١٠
ص ١حوادث داخليةجناب خالق الروح والاجساد آصف عالی نژاد افندمز حضرتلرينك عمر وعافيت واقبال ودولتلرین همیشه مزداد
بويرسون خاندان عصمت نشان حضرت آصفیدن خانم افندی حضرتلرينك انحراف مزاجنه مبنی تبدیل
هوا ضمننده بولاقده
غلال شونه سی قربنده کائن قصره نقل وايصاليله امر تداوى ومعالجاتنه صرف نقود همت
اولنمقده ايديسه ده نوشتۀ قلم ازل اولان حكم قضا وتقدير بر وجهله تغییر پزیر اولمیه
جغندن بامرالله تعالى اشبو ماه ربيع الاخرك بشنجی پنجشنبه كیجه سی ترك لباس حیات مستعار
وعازمۀ حرمسرای دار القرار اولوب علماء اعلام وذوات بنام اجتماعيله متوفيۀ مشار اليهانك
نعش غفران نقشی قصر مذکوردن النه رق امام شافعی عليه رحمة البارى
حضرتلرينك جوارنده کائن مرقد معینده مقداریۀ خاك غفران
قلنمشدر رحمة الله علیها همان جناب رب عزت ذات معالی سمات حضرت داوری يی سائر خانمان
دولت وخویشاوند با سعادتلريله مربع نشین مسند کامرانی وصحت وسجنجل قلب مراحم جلب اصفانه
لرین آثارا کدار کونيه دن مصونيتله دائما مالا مال حبور ومسرت بیورسون آمين بحرمة سيد
المرسلين.
١٤ ربيع الثانى ١٢٦٧
نمره ٢١٠
ص ١حوادث داخليةكذران ايدن ماه ربيع الاولك يكرمى دردنجی پازار کجه سی درب الاحمر ثمننه تابع درب سعاده
ده كائن خالد
پاشانك خانه سندن قضاء آتش ظهور ايتمش ایسه ده در عقب
مأمورين يتشه رك بر محله سرایت اتمکسزین اطفاء قلنمشدر.
٢٨ ربيع الثانى ١٢٦٧
نمره ٢١١
ص ٤إعلاناتصلیبیه ده
مرحوم دیوان افندیسنه متعلق اوست قاتی يدی اوطه ومرمرلى بر فسحه یی
مشتمل والت قاتى برفسحه ومرمر ايله مفروش مع خزينه وفسقيه بر بيوك اوطه دن بشقه كوچك
اوله رق درت اوطه واون بش حيوان الور بر اخور والتى مغازه ومكمل بر دكرمن ومستكمل الآلات
بر ساقيه ايله بيوك واچيق بر حولی يی محتوى بر باب سلاملق وينه سلاملق مذكورك جوارنده
افندی مومى اليهه متعلق اوست قاتنده اون عدد دوشمه اوطه سی ومکمل بر حمامى والت قاتنده
بيوك بر فسحه سی و فسقیه لى ومرمرلی بر بیوك اوطه سى و كوچك اوله رق دیكر درت اوطه سی
وبر اخوری والتی کیلار وبر مطبخ والتى مغازه وحرم اغالرينه مخصوص فسحه لى اوچ اوطه وبر
حديقه واچيق وبيوك بر حولیسی اولدینی حالده اوچ قیولی دیكر خانه سی صاتلق اولوب راغبلری وار ايسه دلالباشی سید مصطفی دن سؤال اولنمسی اعلان قلنمشدر.
٨ جماد اول ١٢٦٧
نمره ٢١٢
ص ٤إعلاناتمطريه قریه سنده
مرحوم على بصيلى اغايه متعلق اوچ قصر ومکمل بر دكرمن ايله دكرمن
يری وبهری ایکی چرخلی اوچ ساقیه یی مشتمل كوفا كون اغاجلی ماللی اون ایکی فدان.
٥ جمادى الاخرة ١٢٦٧
نمره ٢١٤
ص ٤إعلاناتحسنین حضرتلری خطنده
شیخ حلوه جی قارشوسنده بولنان عطفة العسل محله سنده
مرحوم عثمان كاشفك ورثه سنه متعلق اوست قاتی سكز اوطه وبر مطبخ وبر
كيلار وبر لطیف قصر وخزینه ومنافع سايره لى ومرمرلى بر بيوك كوشك ومكمل بر حمامی شامل
والت قاتی برى فسقيه لى وديكرى فسقيه سز ايكى بيوك قاعه وبر كوچك منظره ومرمر دیركلی
تخته بوش وبر دكرمن ودردر حيوان الور ايكى اخور وبر قيو واچيق وبيوك اوله رق ايکی حرلیسی
بولنور بر بیوك باب خانه.
٥ جمادى الاخرة ١٢٦٧
نمره ٢١٤
ص ٤إعلاناتكذلك خانۀ مذکوره قربنده ورثۀ مرقومه يه متعلق بری درت اوطه وبر مطبخ وبر کيلاری مشتمل و دیكری ایکی
اوطه وبر مطبخ وبر کیلاری محتوی ایکی باب خانه صاتیلق اولوب راغبلری وار ایسه دلالباشی سید مصطفادن استدلال ایلمسی.
٢١ جمادى الاخرة ١٢٦٧
نمره ٢١٥
ص ٤إعلاناتجيزه قریه سنده
مرحوم زعیمزاده حسن اغانك متروكاتندن اوست قاتی نیل مبارك ایله
ایکی باغچه يه بقار سکز اوطه و برفسحه یی مشتمل والت قاتی سکز اوطه ومكمل بر حمام وبر
مطبخ وایکی کیلار وبری بر وکسور ودیكری بر ثلث فدّان بر ساقیه لی ایکی باغچه یی محتوی
بری نیل طرفندن دیكری قریه ایچی طرفندن اچیلور ایکی قبولی بر باب خانه.
٢١ جمادى الاخرة ١٢٦٧
نمره ٢١٥
ص ٤إعلاناتكذلك قريۀ مرقومه ده ينه اغاى مومى اليهك مخلفاتندن برينك اوست قاتنده اوچ اوطه وبر فسحه والت قاتنده
اوچ مغازه وايكى حيوان الور بر اخور وبر اچیق حولیسی بولنور ودیكرينك اوست قاتی ایکی
اوطه وبر حمامجه وبر کیلار وبر مطبخ وبر فسحه یی والت قاتی ایکی مغازه وایکی حیوان الور
بر اخور وكوچك بر حولی یی مشتمل ایکی باب خانه صاتيلق اولوب استکلوسی وار ایسه دلالباشی سید مصطفادن استدلال ايلمسی.
٤ رجب ١٢٦٧
نمره ٢١٦
ص ٤حوادث داخليةشعراوی خطنده اغای مرقومك متروكاتندن اوست قاتی
اوچ اوطه وبر مطبخ وبر كيلار ومکمل بر حمامی شامل وآلت قاتی بر منظره وبر دكرمن وایکی
حیوان الور بر اخور وبر قيو وبر اچيق حولی يی محتوی بر باب خانه صاتیلق اولوب راغبلری
وار ایسه دلالباشی سید مصطفادن استدلال
ایلمسی.
١٦ رجب ١٢٦٧
نمره ٢١٧
ص ١حوادث داخلية
شیخ ظلام خطنده کائن مسجد شریف مشرف خراب اولوب تعمیر وترمیمه محتاج بولندیغنه
وهمت والا منقبت حضرت آصفی بو كونه امور خیریه نك اجراسی بابنده همیشه مبذول ودرکار
اولنديغنه بناء مسجد شريف مذكورك تعمیری خصوصنه بو دفعه ارادۀ
خیریت عادۀ جناب داوری شرفتعلق بيورلمش اولمسيله اقتضاسنك اجراسى لازمکلانلره
يازلمشدر.
٢٨ رجب ١٢٦٧
نمره ٢١٨
ص ١إعلاناتماه مذكورك يكرمى طقوزنجي پنجشنبه کیجه سی ساعت اوچ راده لرنده شعراوی سمتنده
هواجه انطون ظلوطه نك ساكن اولديغي خانه دن قضاء يانقين ظهور ايدرك
درحال ضبطيه طرفندن اسباب اطفائیه
نك ايصاليله بحوله تعالى ديكر بر يره سرایت اتمكسزين اطفا اولنمشدر.
٢٨ رجب ١٢٦٧
نمره ٢١٨
ص ٤إعلاناتجیزه ده
سابق سواری مدرسه سی ناظری وسیله
بکه متعلق اوسته قاتى الافرانقه طقوز اوطه والافرانقه ایکی مطبخ وثلث فدان
كلور ساقيه لى بر حديقه ويدي اوطه ودرت مغازه واونر حیوان الور ايكيسی بیاغی وبرى
الافرانقه اوله رق اوچ اخوری مشتمل بر دوار ودرت بچقى ميشه لك وديكر درت بچقى دخی اشجار
كونا كون اوله رق درتيوز اللى اغاج والافرانقه مثلث اوله رق اوچ ساقيه ونيل مبارك صويندن
کتورمك اوزره اوزرنده بر ساقیه بولنور بر كولی شامل طقوز فدانه بالغ بر باغچه یی محتوی
مذکور نیل مبارکه بقار بر باب خانه صاتیلق اولوب راغبلری دلالباشی سید مصطفادن استدلال ایلمسی.
٥ شعبان ١٢٦٧
نمره ٢١٩
ص ٤حوادث داخليةماه هرقومك يكرمى بشنجی پازار ایرتسی کیجه سی لیلا ساعت ایکی راده لرنده بولاق ترسانه سی داخلنده تیمورجیلر
ورشه سندن يانقين ظهور اتمکله در حال اسباب اطفائيه
نك ايصاليله مأمورلرى ثمرۀ غيرتى اوله رق اصلا بر سقامت حاصل اولمقسزين
اطفاسی میسر اولمشدر.
٢٤ شعبان ١٢٦٧
نمره ٢٢٠
ص ١حوادث داخلية ماه حالك التنجي جمعه کیجه سی لیلا درب الاحمر سمتنده کائن محمد
عبداه نام عطارك دكانندن یانقين ظهور اتمش اولديغی خبری ضبطیه يه واصل اولمغله درحال مأمورلر ايصاليله بحوله تعالى ديكر يره سرایت
ایتمکسزین اطفاسی میسر اولمشدر.
٢٤ شعبان ١٢٦٧
نمره ٢٢٠
ص ٤إعلاناتمنیلده
دیوان جهادیه ده
محاسبه قلمی ناظری رفعتلو ابراهیم رأفت بکه
متعلق اوست قاتی يدیسی دوشمش وایکیسی تبعه اوطه سی اوله رق طقوز اوطه وبر مکمل حمام وبر مطبخ
وایکی كيلار والت قاتی اوچ منظره والتى حيوان الور بر اخور وبر مغازه وبر دكرمن وبر قيو
واشجار مثمره ایله مفروش بر فدانه وارر بر حديقه وبر ساقيه یی محتوی مزادده قرق بر بيك غروشه
چيقمش بر باب قصر.
٢٤ شعبان ١٢٦٧
نمره ٢٢٠
ص ٤إعلاناتسوق السلاح سمتنده
داده محمد الدرويشه متعلق اوست قاتی درت دوشمه اوطه سی ومکمل بر
حمام وبر مطبخ وبر كيلار والت قاتی بر منظره وبر دكرمن وبر اخور وایکی مغازه وبر قیويی
مشتمل مزادده اوتوز بيك غروشه بالغ اولمش بر باب خانه صاتيلق اولوب راغبلری وار ایسه
دلالباشی سید مصطفادن استدلال ایلمسی.
٦ رمضان ١٢٦٧
نمره ٢٢١
ص ١حوادث داخليةجناب رب عزت پیرایه بخش باغ عدالت و رونقفزاى ریاض سماحت اولان ذات مكارمسمات حضرت آصفی یی کافۀ
عاهات كونيه وجمله آفات دهریه دن مصونیتله دائما متنسم کلکشت عافیت ومتنزه كلزار شان
ودولت ايدرك مجلبۀ خير دعا اولور نیجه آثار خیریه ابداعنه موفق مظفر بيوره آمين ذات ملكى
الصفات حضرت خديو اعظمينك موصوف ومتخلق اولدقلرى شيمۀ رعیت پروری وشنشنۀ خیریت کستری
اقتضاسنجه نسائم الطاف عليۀ داورانه لرى جمله حقنده دائمی الظهور اوله کلدیکنه واكثر
بلاد مشهوره ده اهالی وبرایایه نزهتكاه اولمق اوزره معمور ومعتنا باغچه ومسیره کاهلر
موجود اولوب هرکس سير وتماشاسنه عزیمت ایله کلچین ذوق ومسرت اوله کلدکلری مثللو بو راده
دخی تماشای خلق ایچون بويله نزهتكاهك بولنمسی محسنات بلده یی مستلزم اوله جغی بدیهی
بولنديغنه مبنى منيل وفم الخليجده كائن ثانئ باغ
ارم ورشك مسائر اربعۀ عالم اولان باغچه لرك طرف مستجمع الشرف حضرت آصفیدن لطفا واحسانا
نزهتكاه خاص وعام تخصیصیله کافۀ زیر دستان وسائر زمرۀ تماشایاندن استجلاب خیر دعا قلنمق
اراده سیله ذکر اولنان منيل باغچه سنه نزهة
الاهم وفم الخليج باغچه سنه فرحة
النفوس تسمیه اولنه رق اعیاد وسائر مواسم سیر وتماشادن ماعدا هفته ده بر
كون دخی تنزه عامه ايچون رخصت تامه ارزان واعطا بیورلمش اولمغين اشبو خصوص خيريت منصوصك
وقوعى مسرات عمومیه یی مستوجب اوله جغندن جمله نك معلومى اولمق ومحسنات عصر خیریت حصر
حضرت داوری یاد وتذکار قلنمق ايچون درج نسخ وقایع ايله اعلان كيفيته ابتدار
اولنمشدر.
٦ رمضان ١٢٦٧
نمره ٢٢١
ص ٤إعلاناتحوش قدم سمتنده
بيت الماله متعلق اوست قاتی درت دوشمه اوطه سی وبر
مکمل حمام وایكى کیلار وبر مطبخ والت قاتی مرمر دیرکلی بر كوچك سلاملق وبر دكرمن وایکی
مغازه وبر قيو وبر اچیق حولی يی مشتمل مزادده اون طقوز بيك ايکی يوز غروشه چيقمش بر باب
خانه صاتيلق اولوب راغبلری دلالباشی سید مصطفادن
استدلال ايلملرى.
٢١ رمضان ١٢٦٧
نمره ٢٢٢
ص ١-٢حوادث داخليةماه حالك التنجى سبت كيجه سی لیلا ساعت اوچ صولرنده حسنین
افندمز حضرتلرينك خطنده كائن لاظ محمد افندينك خانه
سندن يانقين ظهور ايدرك بعونه تعالی اوچ ساعت ظرفنده اطفا اولنمشدر.
٢١ رمضان ١٢٦٧
نمره ٢٢٢
ص ٤إعلاناتمنصوره ده
مرحوم خورشید باشانك متروكاتندن مزادده مومی اليهك دائره سی وکیلی
اوزرینه اللى بيك غروشه جيقمش بر باب قصر وازبکیه
ده
رویعی حضرتلری جوارنده میری يه متعلق بر قطعه
عرصه.
٢١ رمضان ١٢٦٧
نمره ٢٢٢
ص ٤إعلاناتحسنين افندمز حضرتلرينك مقام شریفی قربنده
درب مقدمده
مرحوم حسين بك حضرتلرينك والده لرینه متعلق اوست قاتی يکرمی بش
دوشمه اوطه سی واون عدد خدمه وتبعه اوطه سی ومکمل ایکی حمام والت قاتی ایکی منظره ویکرمی
بش حيوان الور بر اخور والتى مغازه ومکمل بر مطبخ وبر حديقه وبر ساقيه وبر قيو وبيوك بر
اجيق حولى يى مشتمل هواجه بانفور وكالتيله صاتيلق اولوب راغبلری
دلالباشی سید مصطفادن ایلملری.
٦ شوال ١٢٦٧
نمره ٢٢٣
ص ٤إعلاناتحلمیه خطنده
شیخ الماس حضرتلريك محله
سنده
مرحوم محمد سهراب پاشانك مرحومه حليله سنك مخلفاتندن اوست قاتی
اوتوز اوطه وبر مطبخ وایکی کیلار ومکمل بر حمام وبر سلاملق والت قانی اوتوز حيوان الور
بر اخور واون مغازه وبر ساقیه وبر باغچه واچیق بر بيوك حولى يى مشتمل مزادده اللى بش بيك
غروشه چیقمش بر باب خانه صاتيلق اولوب راغبلری دلالباشی سید
مصطفادن استدلال ایلمسی اعلان اولنمشدر.
١٥ ذى القعدة ١٢٦٧
نمره ٢٢٦
ص ١حوادث داخليةدرب الاحمر ثمننده
مديح محله سنده
حاجی محمد نام کمسنه نك خانه
سنده ماه حالك غره سی پنجشنبه کونی قضاء يانقين ظهور اتمکله مأمورلر
طرفندن درحال اسباب اطفائيه نك ايصاليله بلطفه تعالى
سويندرلمشدر.